Pyaar kisi se ker k dekho

Nazar unchi ki tu dua ban gai
Nazar neechi ki tu haya ban gai
Nazar tirchi ki tu adaa ban gai
Nazar phair li tu qaza ban gai

Shab e ghum ki sahar ni hoti
Ho b tu mere ghar ni hoti
Zindagi tu hi mukhtasir ho ja
Shab e ghum mukhtasir ni hoti

Achi soorat ko sanwarne ki zarorat kya he
Saadgi me b qayamat ki adaa hoti he
Tu jo aa jate ho masjid me adaa kerne namaz
Tum ko malom he kitno ki qaza hoti he

Guzdida deeda nigaho se na dekho mujh ko
Wehshi he mera dil ye machal jai ga
Bikhri huwi zulfain na hatao rukh se
Zanjeer me qaidi he nikal jai ga

Mohabbat ki koi manzil ni he
Mohabbat mooj he sahil ni he
Meri afsurdagi pe hansne wale
Tere pehlo me shayad dil ni he

Nama bar un se ye kehna nizaan ka hangaam he
Ibtida-e-khat ni ye aakhri pegham he
Qasid ki umeed he yaaro qasid tu aa jai ga
Lekin hum us waqt na ho ge jb unka khat aye ga

Kehte hain kis ko dard-e-mohabbat kon tumhe batlaye ga
Pyaar kisi se ker k dekho khud hi pata chal jai ga
Kitni lateef shay he mohabbat na puchye
Is meethe meethe dard ki lazzat na puchye bs

Mohabbat jb se tu ne zindagi barbad ker di he
Tu lab khamoosh hote hain nazar faryad kerti he
Ae dost mohabbat he wo nazuk si haqiqat
Mehsoos jise kerte hain samja ni skte

Mohabbat ki ni jati mohabbat ho hi jati he
Lutf-e-dozakh b he lutf-e-jannat b
Haye kya cheez he mohabbat b

Thaam k dil reh jain ge wo dekh k meri maiyat ko
Mera janaza jb k nikal ker unki gali se jai ga
Thoker khane wale rahi is me khata rehbar ki ni
Jo na chale ga dekh k rasta raah me thoker khaye ga

Lotne ka afsoos baja he lekin ae lotne walo
Kis ko khabar thi qafla aa ker manzil pe loot jai ga
Sheesha e dil us but ne tora pur num is me hairat kya
Toot hi jai ga jo sheesha pathr se jo takraye ga

Qasid ki umeed he yaaro qasid tu aa jai ga...!!
Post a Comment (0)
Previous Post Next Post