Jab Tak Bika Na Tha To Koi Poochta Na Tha
Tumne Khareed Kar Hamein Anmol Kar Diya
Aap Ki Mohabbat Ka Har Kadam Sahara Hai
Aap Hi Ka Gham Mujh Ko Zindagi Se Pyara Hai
Mein Kya Bataoon Tamana-e-Zindagi Kya Hai
Hazoor Aap Salamat Rahein Kami Kya Hai
Agar Na Dil Mein Tadap Ho To Aashiqui Kya Hai
Miley Na Dard Ki Daulat To Zindagi Kya Hai
Hai Is Ke Wastay Kaunain Tere Daaman Mein
Tere Ghada Ke Liye Taj-e-Khusravi Kya Hai
Tere Karam Ka Sahara Hai Zindagi Meri
Tera Karam Na Ho Shamil To Zindagi Kya Hai
Meri Namaz Yehi Hai Ke Poojta Hoon Tumhein
Mujhe Khabar Nahi Aadab-e-Bandgii Kya Hai
Chaman Ke Husn Ko Daikhoon To Kis Tarah Daikhoon
Tere Jamal Ke Aage Yeh Roshni Kya Hai
Fanah Yeh Unki Mohabbat Nawazian Daikho
Woh Mujh Se Pooch Rahe Hein Teri Khushi Kya Hai
Mein Kya Bataoon Tamana-e-Zindagi Kya Hai